პროფილაქტიკური სტომატოლოგია

სტომატოლოგიური დაავადებების პროფილაქტიკა ჯანმრთელი კბილების საწინდარია.

კბილებისა და ღრძილების ჯანმრთელობა მჭიდრო კავშირშია პირის ღრუს ჰიგიენასთან. სწორედ ინდივიდუალური მოვლის საშუალებები აგვაცილებენ პირის ღრუს სტომატოლოგიური დაავადებების რისკის ფაქტორებს.

 

გაიხეხეთ კბილები ყოველდღიურად!

პირის ღრუს ჰიგიენის ერთ-ერთი მთავარი კომპონენტია კბილების გახეხვა დღეში 2-ჯერ (დილას და საღამოს) სპეციალური კბილის ჯაგრისებისა და კბილის პასტების გამოყენებით. ასევე არსებობს ჰიგიენური პირის ღრუს მრავალი სავლები, რომელიც ხელს უშლის ბაქტერიების გამრავლებას, ნადების წარმოქმნას და უზრუნველყოფს პირის ღრუს ზოგადგამაჯანსაღებელ მდგომარეობას.

 

ეწვიეთ სტომატოლოგს!

იმისათვის, რომ სრულად დავიცვათ პირის ღრუს ჰიგიენა საჭიროა მისი პერიოდული სანაცია, რაც გულისხმობს წელიწადში 2-ჯერ (მინიმუმ) სტომატოლოგთან ვიზიტს, პირის ღრუს შემოწმებისა და პროფესიული გაწმენდის მიზნით.

სწორედ, გეგმიური პირის ღრუს სანაციის შედეგად შესაძლებელია სტომატოლოგიური დაავადებების ადრეულ სტადიაზე აღმოჩენა და მისი დროული მკურნალობა.

 

რჩევები:

•  იხმარეთ ჯაგრისი ჭამის შემდეგ და ძილის წინ.
•  შეიძინეთ ფტორის შემცველი კბილის პასტა - ეს კარიესის კარგი პროფილაქტიკაა.
•  კბილები ფრთხილად გაიწმინდეთ ისე, რომ ღრძილები არ დაიზიანოთ, ამან შეიძლება პერიოდონტიტი გამოიწვიოს.
•  მიანიჭეთ უპირატესობა საშუალო ან რბილ კბილის ჯაგრისს.
•  კბილები სულ მცირე 2 წუთი უნდა იხეხოთ.
•  კბილების გაწმენდის შემდეგ კარგად გარეცხეთ ჯაგრისი.
•  იმისათვის, რომ მოიცილოთ ბაქტერიების მაქსიმალური რაოდენობა, ენა 30 წამის განმავლობაში უნდა გაიწმინდოთ.
•  თუ ღრძილებიდან სისხლდენა გაწუხებთ გამოიყენეთ რბილი ჯაგრისი და ნაკლებად დააწექით მას გაწმენდის დროს. აუცილებლად ეწვიეთ სტომატოლოგს.
• კბილის ჯაგრისი 3 თვეში ერთხელ და ყოველი ავადმყოფობის შემდეგ გამოცვალეთ.
•  ფტორის შემცველი კბილის პასტები იცავენ კბილებს კარიესისაგან, ათეთრებენ მინანქარს, აცილებენ ნადებს და ხელს უშლიან არასასიამოვნო სუნის წარმოქმნას.
• იკვებეთ სწორად.
• მიიღეთ სითხე.
• შეამცირეთ ტკბილი საკვები.
• თუ მწეველი ხართ, შეეცადეთ, თავი დაანებოთ მავნე ჩვევას.