კბილების დაზიანებას ცუდი ჰიგიენა იწვევს და არა ბრეკეტები!
ორთოდონტიული მკურნალობა ბრეკეტ-სისტემით რეგულარული და გულმოდგინე ჰიგიენის გარეშე შეუძლებელია. 
ბრეკეტების ფიქსაციამდე კბილის ზედაპირი იწმინდება და მუშავდება ფტორით, ასე რომ, თავად ბრეკეტ-სისტემას არანაირი ზიანის მოტანა არ შეუძლია. ამის მიზეზი მხოლოდ ჰიგიენის დარღვევაა. ძალიან მნიშვნელოვანია, შევასრულოთ ჰიგიენის ყველა ეტაპი, რაც აუცილებლად დაგვიცავს შემდგომი გართულებებისაგან.
სახლის პირობებში კბილების გასაწმენდად მოგიწევთ რიგი ჰიგიენური საშუალებების მომარაგება. სპეციალური ერთკონ
იანი კბილის ჯაგრისები ძნელად მისაწვდომი ბრეკეტთაშორისი და რკალებსქვეშა ადგილების გასაწმენდად, ორთო ჯაგრისები V-ს მაგვარი ჯაგრულებით, კბილთა შორისი ჯაგრულები, ე.წ. „იორშიკები“, ასევე ორთოდონტიული პაციენტის მუდმივი თანამგზავრი ხდება ფლოსი. რა თქმა უნდა, არ უნდა დავივიწყოთ სავლებები. მიუხედავად ამ დამხმარე საშუალებებისა, ბრეკეტების ტარება მოითხოვს ხშირ პროფესიულ წმენდასა და პაროდონტოლოგის მეთვალყურეობას.
დაიმახსოვრეთ!
ბრეკეტებით მკურნალობისას არ შეიძლება დაღეჭოთ, ჩაკბიჩოთ ან დაღრღნათ:
ხრაშუნა კარტოფილი, ვაფლი, ორცხობილა. ისინი ბრეკეტებიდან რთული მოსაშორებელია.- ბლითები, სუხარები. ისინი მოტეხავენ რკალს, მოაძრობენ ბრეკეტსა და რგოლს.
- წუწნია კარამელები, ირისი, ყინულკარამელები, რადგან ისინი მიკრობებისათვის ნამდვილი სამოთხეა.
- არ შეიძლება ნაყინი, ვინაიდან ის დააზიანებს აპარატს.
- თხილი და თხილიანი კამფეტები ბრეკეტ-სისტემის მთავარი მტერები არიან.
- საღეჭი რეზინი.მისი მოშორება ჭირს ბრეკეტებიდან.
- სტაფილო, ვაშლი და სხვა მაგარი ხილი დაჭერით და მიირთვით პატარა ნაჭრებად. იგივე ეხება ხორცს და ყველა მოსაკბეჩ პროდუქტს.
- არავითარ შემთხვევაში არ დაღრღნათ ფანქრები და პასტები და მით უმეტეს არ მოიკვნიტოთ ფრჩხილები!
არ შეიძლება:
- ძალიან ცივი და ძალიან ცხელი საკვების მიღება. ტემპერატურულმა ცვლილებებმა, შესაძლოა, ბრეკეტის ატკეჩა და ორთოდონტიული მავთულის თვისებების გაუარესება გამოიწვიოს.
- პლასტიკური ბრეკეტებით მკურნალობისას არაა სასურველი მიიღოთ ჩაი და ყავა, ამან, შესაძლოა, ბრეკეტის საკეტების შეღებვა გამოიწვიოს.
გახსოვდეთ:
- თუ ბრეკეტი აიტკიჩა, შეინახეთ და ჩაეწერეთ მიღებაზე მკურნალ ექიმთან. იგივე ეხება დაფიქსირებული ორთოდონტიული რგოლის მდგომარეობას.
- არ შეგეშინდეთ თუ რეკეტ სისტემის დაყენების შედეგად, პირველი დღეების განმავლობაში, დისკომფორტს ან ტკივილებს განიცდით. ბრეკეტებთან მიჩვევის შემსუბუქებისათვის თავიდან მათ აწებებენ რბილი ცვილით.
- თვეში ერთხელ მიაკითხეთ ექიმს ჰიგიენური პროცედურების და კბილების ფტორირების მიზნით.
როდის გავიხეხოთ კბილები?
კბილები აუცილებლად უნდა ვიხეხოთ ყოველი ჭამის შემდეგ, არანაკლებ 10 წუთისა.
ერთბოჭკოიანი ჯაგრისი წმენდს ბრეკეტებს და მის მიმდებარე ზედაპირებს, კბილთაშორის სივრცეებს, კბილებს ღრძილის გასწვრივ.
კბილის ჯაგრულები - ”იორშიკები“, იდეალურია რკალქვეშა სივრცეების და კბილთაშორისი ადგილების გასაწმენდად.
სახლიდან გასვლისას, გირჩევთ, თან იქონიოთ კბილის პასტა და ჯაგრისი.
დაიწყეთ ზედა ყბით. 
თავდაპირველად, ორთო კბილის ჯაგრისით გაიხეხეთ კბილის ზედაპირები, ბრეკეტ-სისტემის რკალის მთელ სიგრძეზე ჰორიზონტალური მოძრაობებით. შემდეგ, გადადით ქვედა ყბაზე. ერთბოჭკოვანი კბილის ჯაგრისით გულდასმით გაწმინდეთ თითოეული ბრეკეტი და მისი მიმდებარე ზედაპირები. გაიწმინდეთ ღრძილის კიდე და კბილის ყელის არე. 
ამის შემდგომ, კბილთა შორისი ჯაგრულებით ("იორშიკებით") გაიწმინდეთ რკალქვეშა სივრცე და კბილთაშორისი ადგილები.
ამის შემდეგ, კბილები გაიხეხეთ ჩვეულებრივ, როგორც ბრეკეტების გარეშე. ჯაგრისი დაიჭირეთ 45o-იანი კუთხით ღრძილთან და გაიწმინდეთ გამოგვითი მოძრაობებით, 2 კბილი ერთდროულად, დაახლოებით 10-ჯერ. გაიმეორეთ შემდეგ 2 კბილზე და ა.შ. იგივე სასისკენა და ენისკენა ზედაპირებზე. არ დაგავიწყდეთ საღეჭი ზედაპირების გახეხვა.
წმენდა დაამთავრეთ ”სუპერ ფლოსის” დახმარებით. საბოლოოდ, გამოივლეთ ფტორშემცველი სავლები. სასურველია, შეირჩეს ფტორის გაძლიერებული შემცველობის მქონე კბილის პასტა, კბილის ემალის გასამაგრებლად. 
ორთოდონტიული აპარატების ტიპი განსაზღვრავს მათი წმენდის თავისებურებას.
მოსახსნელი აპარატები მათი მოვლის სიმარტივიდან გამომდინარე, სარგებლობენ აშკარა უპირატესობით. ასეთ დროს, შესაძლებელია, აპარატი და კბილები ცალ-ცალკე გავიწმინდოთ. მნიშვნელოვანია, განსაკუთრებული ყურადღება მიექცეს აპარატის ქვეშ მყოფი ღრძილების წმენდას. აგრეთვე, საგულისხმოა, კარგად გაიწმინდოს თვითონ აპარატი, კბილის პასტით და ჯაგრისით, შემდგომ კი გაირეცხოს გამდინარე წყლით. 
როგორც ამბობენ: ”სილამაზე მსხვერპლს მოითხოვს” - ორთოდონტიული მკურნალობა კი სწორედ ეს შემთხვევაა. გადატანილი ტანჯვების (დიეტა, ექიმთან გახშირებული ვიზიტები, ძვირადღირებული მკურნალობა) ჯილდოდ პაციენტი იდეალურ ღიმილს იღებს. ბრეკეტების ტარებისას გამომუშავებული გაძლიერებული ჰიგიენა დაგეხმარებათ მიღწეული შედეგიდაიცვათ ნადებისა და მიკრობებისაგან.
